murlidhar-mohol-elected-maharashtra-olympic-association-president-after-ajit-pawar-death : अजितदादांच्या जाण्यानंतर क्रीडा राजकारणात मोठी उलथापालथ!
Pune : महाराष्ट्र ऑलिंपिक असोसिएशनच्या अध्यक्षपदावर अखेर केंद्रीय नागरी विमानवाहू राज्यमंत्री मुरलीधर मोहोळ यांची बिनविरोध निवड करण्यात आली आहे. पुण्यातील बालेवाडी येथील शिवछत्रपती क्रीडा संकुलात पार पडलेल्या महाराष्ट्र ऑलिंपिक असोसिएशनच्या सर्वसाधारण सभेत हा महत्त्वपूर्ण निर्णय घेण्यात आला. उपमुख्यमंत्री अजित पवार यांच्या आकस्मिक निधनानंतर रिक्त झालेल्या या पदावर कोणाची वर्णी लागणार याबाबत गेल्या काही दिवसांपासून मोठी राजकीय आणि क्रीडा वर्तुळात चर्चा सुरू होती. अखेर सर्व समीकरणे मोहोळ यांच्या बाजूने झुकल्याचे पाहायला मिळाले.
महाराष्ट्र ऑलिंपिक असोसिएशनच्या गेल्या निवडणुकीत मोठे राजकीय नाट्य रंगले होते. अध्यक्षपदासाठी राष्ट्रवादी काँग्रेसचे प्रभावी नेते अजित पवार यांच्या विरोधात भाजप नेते आणि केंद्रीय मंत्री मुरलीधर मोहोळ यांनी थेट आव्हान उभे केले होते. त्यावेळी दोन्ही गटांमध्ये जोरदार हालचाली सुरू झाल्या होत्या. मात्र ऐनवेळी झालेल्या तडजोडीनंतर अजित पवार यांची अध्यक्षपदी निवड झाली, तर मुरलीधर मोहोळ यांना उपाध्यक्षपद देण्यात आले. या समझोत्यामुळे तत्कालीन संघर्ष टळला होता. मात्र अजित पवार यांच्या निधनानंतर हे समीकरण पूर्णपणे बदलले आणि मोहोळ यांच्यासाठी अध्यक्षपदाचा मार्ग मोकळा झाला.
Ncp leadership conflict : प्रफुल्ल पटेल विरुद्ध पार्थ पवार शीतयुद्ध उघड !
अजित पवार यांच्या निधनानंतर त्यांच्या पत्नी आणि उपमुख्यमंत्री सुनेत्रा पवार यांचे नाव या पदासाठी आघाडीवर असल्याची चर्चा होती. राष्ट्रवादी काँग्रेसमधील काही नेत्यांनी त्यासाठी प्रयत्न सुरू केल्याचेही बोलले जात होते. मात्र पक्षातील वरिष्ठ पातळीवरून स्पष्ट करण्यात आले की, सुनेत्रा पवार यांची अद्याप महाराष्ट्र ऑलिंपिक असोसिएशनमध्ये औपचारिक नियुक्ती झालेली नाही. त्या नुकत्याच खो-खो असोसिएशनच्या माध्यमातून सदस्य झाल्या असल्याने अध्यक्षपदासाठी आवश्यक संघटनात्मक प्रक्रिया पूर्ण झाली नव्हती. याच पार्श्वभूमीवर मुरलीधर मोहोळ यांच्या नावावर एकमत होत गेले आणि अखेर त्यांची बिनविरोध निवड निश्चित झाली.
Devendra Fadnavis: नरसापूर अत्याचार प्रकरणातील नराधमाला फासावर लटकवणारच
मुरलीधर मोहोळ यांच्या निवडीमागे केवळ क्रीडा संघटनांतील पाठिंबा नसून राज्यातील बदलती राजकीय समीकरणेही महत्त्वाची ठरल्याचे बोलले जात आहे. पुणे आणि पश्चिम महाराष्ट्रातील क्रीडा संघटनांमध्ये मोहोळ यांचा वाढता प्रभाव, भाजपच्या वरिष्ठ नेतृत्वाचा पाठिंबा आणि संघटनात्मक नेटवर्क यामुळे त्यांचे पारडे जड झाले. अनेक क्रीडा संघटनांनीही स्थैर्य आणि अनुभवाचा मुद्दा पुढे करत मोहोळ यांच्या नावाला समर्थन दिल्याची माहिती समोर येत आहे.
दरम्यान, अजित पवार यांच्या निधनानंतर महाराष्ट्राच्या राजकारणासोबतच विविध क्रीडा संघटनांमध्येही नेतृत्वबदलाची प्रक्रिया सुरू झाली आहे. २८ जानेवारी २०२६ रोजी बारामती येथे झालेल्या भीषण विमान अपघातात अजित पवार यांचे निधन झाले होते. मुंबईहून बारामतीकडे प्रचार सभेसाठी जात असताना हा अपघात झाला. या दुर्घटनेत त्यांच्यासह पाच जणांचा मृत्यू झाला होता. त्यांच्या निधनानंतर राज्य सरकारने तीन दिवसांचा शासकीय दुखवटा जाहीर केला होता. २९ जानेवारी रोजी बारामती येथे शासकीय इतमामात त्यांच्यावर अंत्यसंस्कार करण्यात आले.
Tcs crime news : पेयातून गुंगीचं औषध देत महिलांचं शोषण धर्मांतर रॅकेटच्या संशयाने खळबळ
अजित पवार हे केवळ महाराष्ट्राच्या राजकारणातील प्रभावी नेता नव्हते, तर विविध क्रीडा संघटनांमध्येही त्यांचा मोठा प्रभाव होता. महाराष्ट्र ऑलिंपिक असोसिएशनच्या माध्यमातून राज्यातील क्रीडा धोरणे, स्पर्धा आणि संघटनात्मक निर्णयांमध्ये त्यांची सक्रिय भूमिका होती. त्यामुळे त्यांच्या निधनानंतर या संघटनेच्या नेतृत्वावर कोणाची छाप पडणार याकडे संपूर्ण क्रीडा वर्तुळाचे लक्ष लागले होते.
मुरलीधर मोहोळ यांच्या निवडीमुळे आता महाराष्ट्र ऑलिंपिक असोसिएशनमध्ये नवे नेतृत्व स्थिरावल्याचे मानले जात आहे. आगामी राष्ट्रीय क्रीडा स्पर्धा, संघटनात्मक निवडणुका आणि राज्यातील क्रीडा विकासाच्या दृष्टीने मोहोळ यांची भूमिका महत्त्वाची ठरणार आहे. मात्र या निवडीमागील राजकीय घडामोडी आणि राष्ट्रवादी काँग्रेसमधील अंतर्गत समीकरणांवर पुढील काही दिवसांत आणखी चर्चा रंगण्याची शक्यता व्यक्त केली जात आहे.
__
