nashik-kalwan-minor-ashram-school-student-gives-birth-pocso-case : धक्कादायक घटना; नात्यातील अल्पवयीन मुलाविरुद्ध पोक्सो अंतर्गत गुन्हा
Nashik : नाशिक जिल्ह्यातील कळवण तालुक्यातील मोहनदरी येथील शासकीय आदिवासी निवासी आश्रमशाळेत शिक्षण घेणाऱ्या एका अल्पवयीन विद्यार्थिनीने बाळाला जन्म दिल्याची गंभीर घटना समोर आली आहे. प्राथमिक तपासात संबंधित विद्यार्थिनीवर तिच्याच नात्यातील एका अल्पवयीन मुलाकडून लैंगिक अत्याचार झाल्याचे निष्पन्न झाले असून, या प्रकरणी कळवण पोलीस ठाण्यात पोक्सो कायद्यांतर्गत गुन्हा दाखल करण्यात आला आहे.
पोलिसांनी दिलेल्या माहितीनुसार, घटनेची माहिती मिळाल्यानंतर तातडीने तपास सुरू करण्यात आला. चौकशीदरम्यान संबंधित अल्पवयीन मुलाचा या प्रकरणात सहभाग समोर आल्यानंतर त्याला ताब्यात घेण्यात आले असून, नियमानुसार बालसुधारगृहात पाठविण्यात आले आहे.
Harshwardhan sapkal : ‘सगळे निर्बुद्ध, फक्त आम्हीच शहाणे’; फडणवीसांच्या ‘अहंकारावर’ सपकाळांचा घणाघात
दरम्यान, हा प्रकार आश्रमशाळेच्या परिसरात घडलेला नसल्याचे प्रशासनाने स्पष्ट केले आहे. संबंधित विद्यार्थिनी शालेय सुट्ट्यांमध्ये आपल्या गावी असताना ही घटना घडल्याचे प्राथमिक चौकशीत समोर आले आहे. त्यामुळे या घटनेचा आश्रमशाळेच्या परिसराशी थेट संबंध नसल्याचे प्रशासनाचे म्हणणे आहे.
नाशिकचे आदिवासी विकास विभागाचे अप्पर आयुक्त दिनकर पावरा यांनी सांगितले की, प्रकरणाची सखोल चौकशी सुरू असून सर्व संबंधित बाबींची पडताळणी केली जात आहे. चौकशीनंतर आवश्यक ती कायदेशीर कारवाई करण्यात येईल.
Uniform civil code : महाराष्ट्रात समान नागरी कायद्याच्या दिशेने मोठे पाऊल
या घटनेनंतर आश्रमशाळांमधील विद्यार्थ्यांच्या आरोग्य तपासणी आणि संरक्षण व्यवस्थेबाबतही प्रश्न उपस्थित होत आहेत. संबंधित विद्यार्थिनीची गर्भधारणा वेळेत निदर्शनास का आली नाही, याबाबतही चौकशीची मागणी होत आहे.
सध्या या प्रकरणाचा तपास सुरू असून, पोलिसांकडून आणि संबंधित विभागाकडून सर्व बाबींची सखोल चौकशी केली जात आहे.
